Llythyrau

Hanes Bob Parry

Annwyl Olygydd,

Wrth gerdded heibio hen adeilad y cwmni arwerthwyr enwog gynt sef Bob Parry, ar faes Caernarfon y dydd o’r blaen, gofynnais i mi fy hun pam nad oedd rhyw awdur bellach wedi croniclo mewn llyfr, hanes y cwmni hynod hwn tros nifer fawr o flynyddoedd.

O bosib fod dogfennau ar gael i gynorthwyo cyflwyno hanes cwmni cafodd gymaint o ddylanwad ar y byd amaethyddol tros gyfnod hir.

Rwy’n siŵr y byddai yn hanes hynod o ddifyr a dadlennol, ac yn destun edmygedd cannoedd o amaethwyr ac eraill yng ngogledd Cymru.

Oes yna awdur a chwmni argraffu â diddordeb ‘sgwn i, cyn oedi mwyach?

Rol Williams

Waunfawr,

Gwynedd.