Teledu
Criw Ffermio ar daith i gwrdd â gwylwyr S4C
Mae tîm cyflwyno a chynhyrchu’r gyfres boblogaidd Ffermio yn paratoi ar gyfer taith ledled Cymru i gwrdd â gwylwyr S4C.
Fe fydd y daith yn cychwyn ar Ynys Môn ddydd Llun, 4 Gorffennaf gan hefyd ymweld â Chlawddnewydd, Glantwymyn, Pontsenni, Llandeilo a Sanclêr dros gyfnod o wythnos.
Ar y noson gyntaf a’r olaf fe fydd un o gyflwynwyr Ffermio yn cadeirio trafodaeth ac yn gwahodd cwestiynau gan y cyhoedd ar gyfer panel o wynebau cyfarwydd o’r byd amaeth yn yr ardal.
Bydd yna gyfle i siarad gydag aelodau o dîm cynhyrchu Ffermio o gwmni Telesgop. Maen nhw hefyd yn awyddus i’r cyhoedd ddod â hen luniau o’r byd amaeth a chefn gwlad gyda nhw i’r noson.
Mae’r noson gyntaf o dan arweiniad y cyflwynydd Daloni Metcalfe yng Nghlwb Wellman’s yn Llangefni ac yn rhan o weithgareddau ymgyrch Calon Cenedl S4C ar Ynys Môn ddechrau Gorffennaf pan fydd S4C yn tynnu sylw at raglenni a gweithgaredd y Sianel.
Fe fydd tîm Ffermio wedyn yn ymweld â Neuadd Cae Cymro, Clawddnewydd ar 5 Gorffennaf, Neuadd Glantwymyn ar 6 Gorffennaf, Whitehouse Country Inn, Pontsenni ger Aberhonddu ar 7 Gorffennaf a’r Neuadd Ddinesig Llandeilo ar 11 Gorffennaf.
Bydd y daith wedyn yn dod i ben nos Fawrth 12 Gorffennaf yn Ysgol Griffith Jones yn Sanclêr lle bydd Alun Elidyr yn cadeirio noson o holi panel o wynebau cyfarwydd.
Fe fydd cyflwynydd Ffermio Meinir Jones yn bresennol yn rhai o’r nosweithiau.
Meddai Meinir: “Rydyn ni gyd yn edrych ymlaen at fynd ar y daith a chwrdd â gwylwyr y gyfres. Y gwylwyr sydd wrth galon straeon Ffermio ac rydyn am i chi gynnig syniadau ar gyfer y dyfodol, rhoi eich barn, rhannu straeon, dod â hen luniau a chael clonc.”
Ychwanega Meinir: “Mae croeso cynnes i bawb – a bydd gwasanaeth cyfieithu ar gael i’r rhai sydd ddim yn deall Cymraeg.”
Dyma fanylion y daith yn llawn.
4 Gorffennaf 2011
Clwb y Wellman’s, Stad Ddiwydiannol, Llangefni , LL77 7JA
19.30
5 Gorffennaf 2011
Canolfan Cae Cymro, Clawddnewydd, Rhuthun, LL15 2ND
19.00 – 20.00
6 Gorffennaf 2011
Neuadd Glantwymyn Glantwymyn Machynlleth Powys SY20 8LX
19.00 – 20.00
7 Gorffennaf 2011
The Whitehouse Country Inn, Pontsenni, Aberhonddu, LD3 8RP
19.00 – 20.00
11 Gorffennaf 2011
Neuadd Ddinesig Llandeilo, Heol Cilgant, Llandeilo, SA19 6HW
19.00 – 20.00
12 Gorffennaf 2011
Ysgol Gynradd Griffith Jones, Sanclêr, Caerfyrddin, SA33 4BT
19.30
