Mwy o Newyddion

Cristnogion yn beirniadu’r benthycwyr arian, ac yn galw am Undeb Credyd i helpu’r tlawd

Mae pryder bod mwy a mwy o bobl yn syrthio i ddyled wedi ysgogi aelodau eglwysi Annibynnol yn Sir Gaerfyrddin i annog Undeb Credyd i sefydlu’n y sir.

Maent hefyd am i lywodraeth Prydain gymryd camau cyflym a phendant i reoli cwmnïau ‘Benthyciadau Diwrnod Cyflog’, sy’n codi llog o hyd at 4000%.

Mae Cyfundeb Annibynwyr Gorllewin Caerfyrddin, sydd â 3,000 o aelodau, wedi gofyn i gwmni CredCer o Aberteifi i ystyried ymestyn ei weithgarwch i Sir Gâr.

“Gall taliadau llog ar fenthyciadau gan Undeb Credyd fod mor isel ac 1% y mis. Byddai’n gymorth mawr i gadw pobl allan o grafangau siopau pawn a chwmnïau benthyg arian sy’n manteisio ar y tlawd trwy godi llog afresymol o uchel,” meddai’r Parchg Beti-Wyn James, Ysgrifennydd y Cyfundeb.

Llun: Parchg Beti-Wyn James