Mwy o Newyddion
05 Ionawr 2012
Ocsiwn Llandyrnog
ROEDD ocsiwn o nwyddau ac addewidion a gynhaliwyd yn Neuadd y Pentref, Llandyrnog yn ddiweddar yn llwyddiant anhygoel.
Diolch i sgiliau a sylwadau ffraeth Elfor Morris, yr arwerthwr lleol, a haelioni’r gynulleidfa, codwyd dros £4000 tuag at Eisteddfod Sir Ddinbych a’r Cyffiniau 2013.
Diolch i Fanc Barclays am ei nawdd i’r arwerthiant a’r raffl drwy ei gynllun cymunedol punt am bunt, mae pentref Llandyrnog bron iawn â chyrraedd ei tharged o £7000, gwta chwe mis ar ôl dechrau ar yr ymgyrch codi arian.
Yn y llun o’r chwith i’r dde mae Richard Davies, Cadeirydd y Pwyllgor Apêl, Ruth Williams a Gwenan Lewis.
