Mwy o Newyddion

Cyfle i gefnogwyr rygbi ddewis eu XV delfrydol ac ennill £1,000

A allwch chi reoli tîm rygbi i guro'r bencampwriaeth?

Mae S4C yn gwahodd cefnogwyr rygbi i gystadlu mewn gêm Rygbi Ffantasi, am y cyfle i ennill £1,000 a thocynnau i gemau rhanbarthol a rhyngwladol.

Mae gêm Rygbi Ffantasi S4C wedi cael ei lansio wrth i'r Gleision, Dreigiau, Gweilch a'r Scarlets baratoi ar gyfer y tymor newydd.

Dyma gyfle'r cefnogwyr i ddewis a rheoli eu tîm delfrydol, dychmygol, yn rhan o gêm Rygbi Ffantasi S4C - http://ffantasirygbi.s4c.cymru/.

Yn ogystal â'r brif wobr o £1,000 i bencampwr y tymor, pob mis mae cyfle i gystadleuwyr ennill tocynnau i gêm ranbarthol o'u dewis neu un o gemau cartref Cymru ym mhencampwriaeth Chwe Gwlad yr RBS.

Bydd y Guinness PRO12 yn dychwelyd i S4C ar Nos Sadwrn, 3 Medi, yng ngofal tîm cyflwyno a sylwebu cyfres Clwb Rygbi, sy'n gynhyrchiad BBC Cymru. Daw gêm fyw gynta'r Clwb Rygbi o Barc yr Arfau BT, ble bydd y Gleision yn herio Caeredin gyda'r gig gyntaf am 7.35.

Mi fydd Clwb Rygbi yn darlledu gêm pob nos Sadwrn drwy’r tymor Guinness PRO12 eleni, gyda sylwebaeth Saesneg hefyd ar gael.

Yn y gêm Rygbi Ffantasi, mae gennych £100,000,000 dychmygol i'w wario ar chwaraewyr a chreu eich tîm delfrydol.

Bydd cyfleoedd i gyfnewid chwaraewyr wrth i'r gystadleuaeth fynd yn ei blaen, ac mae modd dewis chwaraewyr o blith pob tîm sy'n cynrychioli Cymru, Iwerddon, Yr Alban a'r Eidal.

Yn ogystal â chystadlu yn erbyn pawb ar y wefan am gyfle i ennill £1,000, mae modd hefyd creu cynghrair fach er mwyn cystadlu yn erbyn ffrindiau.

Mae'r gêm ar gael drwy gyfrwng y Gymraeg neu'r Saesneg, ac fe all cefnogwyr y Gleision, Dreigiau, Gweilch a'r Scarlets ddewis dangos eu cefnogaeth drwy osod lliwiau eu rhanbarth fel cefndir i’w gêm nhw.

Am wybodaeth sut i chwarae, ac i ddarllen y rheolau a'r telerau yn llawn, ewch i http://ffantasirygbi.s4c.cymru/