Mwy o Newyddion

Plaid Cymru yw'r wrthblaid fwyaf llwyddiannus yn hanes y Cynulliad yn ôl Simon Thomas

Mae Plaid Cymru wedi cyflawni mwy mewn wythnos  fel gwrthblaid nac unrhyw Blaid yn hanes y Cynulliad,  yn ôl Simon Thomas  AC.

Dywedodd  fod bargen un-bleidlais y Blaid gyda'r llywodraeth Lafur yn golygu cyflawni pump o addewidion allweddol Plaid Cymru adeg yr etholiad.  

Dan gytundeb Plaid Cymru,  caiff mwy o feddygon teulu a gweithwyr iechyd proffesiynol eu hyfforddi  a'u recriwtio yng Nghymru,  caiff cleifion hi'n haws i gael cyffuriau  a thriniaethau newydd, bydd mwy o ofal plant  am ddim ar gael i rhieni  a dygir  ymlaen fwy o brosiectau  seilwaith fydd yn cryfhau'r economi.

Dywedodd Simon Thomas AC Plaid Cymru: “O ganlyniad i drafodaethau Plaid Cymru, bydd yn rhwyddach i gleifion fynd at feddyg teulu a chael thriniaethau newydd ac arloesol.

"Fe gaiff rhieni  fwy o ofal plant, fydd yn arbed rhyw £100 yr wythnos iddynt.

"Ym mhob rhan o Gymru, rwy'n disgwyl gweld prosiectau seilwaith i wella ein ffyrdd a'n rheilffyrdd, a gall mwy o bobl gael hyfforddiant mewn sgiliau trwy brentisiaethau.

“Mewn cwta wythnos mae Plaid Cymru wedi cyflwyno gwir ganlyniadau i bobl.

"Ni yw'r wrthblaid fwyaf llwyddiannus yn hanes y Cynulliad. 

“Mewn cytundeb ar bleidlais unwaith ac am byth, bydd Plaid Cymru yn cyflawni pump o'i haddewidion  allweddol a wnaed  adeg yr etholiad, ac yr wyf yn edrych ymlaen at rannu  mwy o fanylion gyda phobl  yn nes ymlaen heddiw.”