Mwy o Newyddion

Mynediad am ddim i'r Ardd Fotaneg Genedlaethol

Mae mynediad i Ardd Fotaneg Genedlaethol Cymru AM DDIM ym mis Ionawr felly pam na wnewch chi fwynhau ymweliad gaeafol?

Mae yna gymaint o dan do, bu hi’n ddiwrnod allan arbennig beth bynnag yw’r tywydd.

Ond am ein penwythnosau ‘digwyddiadau’ (pan fydd tâl mynediad o £3), mae’n rhad ac am ddim i ymweld trwy gydol y mis.  Rydym ar agor o 10yb-4:30yp – gan gynnwys Dydd Calan!

Mae’r penwythnosau arbennig yn dechrau ar Ionawr 9-10 efo’n Penwythnos Henebion poblogaidd, sydd wedi ei drefnu gan Derwen Fairs.  Uchafbwyntiau'r digwyddiad yma bydd crochenwaith a chelf Gymreig, gemwaith o ansawdd a chelfi derwen Gymreig o’r 17eg ganrif.

Mae’n Benwythnos Crefft Bren ar Ionawr 16-17 pan fydd ein turnwyr pren, cerfwyr llwyau caru, gwneuthurwyr ffyn, cyflenwyr offer pŵer ac arbenigwyr pyrograffeg yn ymgynnull yn yr Ardd.

Penwythnos y 23ain a’r 24ain o Ionawr fydd ein Ffair Fwyd pryd bydd llu o gynhyrchwyr o fwydydd a diodydd lleol yn ymgynnull yn amgylchyniad syfrdanol Tŷ Gwydr Mawr yr Arglwydd Foster i gynnig danteithion blasus, lleol i’w blasu a phrynu.

Bydd Penwythnos yr Eirlys, ar Ionawr 30-31, yn ddathliad o hoff flodyn y gaeaf i bawb.  Mi fydd ddigon i ddal sylw casglwyr yr eirlys ac i’r gwyliwr achlysurol ymhlith y teithiau arbenigol, sgyrsiau arbennig a gweithgareddau hwyl i’r teulu.

Mae yna barcio am ddim digonol i’r Ardd.

Am fwy o wybodaeth amdano’r digwyddiau yma, neu am unrhyw ddigwyddiad arall, ffoniwch 01558 667149, ymwelwch www.gardenofwales.org.uk neu e-bostiwch info@gardenofwales.org.uk