Mwy o Newyddion

Deiseb yn galw am sefydlu Diwrnod Gwrthwynebwyr Cydwybodol swyddogol

Bydd deiseb yn galw am sefydlu Diwrnod Gwrthwynebwyr Cydwybodol swyddogol yng Nghymru yn cael ei throsglwyddo i Bwyllgor Deisebau'r Cynulliad Cenedlaethol ddydd Mercher, 30 Medi am 1.00pm.

Dyma eiriad llawn y ddeiseb: "Yr ydym ni, sydd wedi llofnodi'r ddeiseb hon, yn annog Cynulliad Cenedlaethol Cymru i sefydlu Diwrnod Gwrthwynebwyr Cydwybodol swyddogol yng Nghymru.  Byddai hyn yn goffâd priodol i bawb a ddioddefodd yn ystod y rhyfel ac yn enwedig i'r rhai a safodd yn nhraddodiad Cymreig heddychiaeth er gwaethaf y cost personol.  Cymru fyddai'r wlad gyntaf i wneud hyn - gweithred a all ysbrydoli eraill i weithredu yn yr un modd."

Bydd aelodau'r Pwyllgor Deisebau yn derbyn y ddeiseb ar risiau'r Senedd.

Casglwyd tua 400 o lofnodion ar gyfer y ddeiseb, a chafodd ei dwyn gerbron gan Ddiwrnod Gwrthwynebwyr Cydwybodol Cymru.