Mwy o Newyddion

Geiriau ddim yn ddigon

MAE ymgyrchwr iaith yn bwriadu mynd heb fwyd na dŵr am dros ddau ddiwrnod yr wythnos nesaf er mwyn tynnu sylw at y bygythiad i gymunedau Cymraeg os caeir Ysgol y Parc ger Y Bala.

Bydd Ffred Ffransis, llefarydd Cymdeithas yr Iaith Gymraeg ar addysg, yn dechrau ei streic newyn fore Mawrth nesaf, 10 Mai. Fe fydd ei streic yn dod i ben 50 awr yn ddiweddarach yn gynnar brynhawn Iau, 12 Mai, hanner awr cyn cyfarfod o gynghorwyr Gwynedd a fydd yn penderfynu ar ddyfodol addysg ym Mhenllyn.

“Fy mwriad ydi mynd heb ddŵr na bwyd am gyfnod cyn eu penderfyniad ar Ysgol y Parc, a hynny fel symbol o’r ffaith fod bywyd y gymuned honno, a degau o gymunedau gwledig Cymraeg tebyg, yn y fantol,” meddai Ffred Ffransis wrth Y Cymro.

“Dw i wedi anfon nodyn personol ychwanegol at grŵp Plaid Cymru ar y Cyngor yn esbonio nad fy mwriad i ydi trio gorfodi unrhyw benderfyniad arnyn nhw, ond yn hytrach eu cymell i ddarllen yr holl dystiolaeth addysgol a phersonol cyn dod i benderfyniad er mwyn sylweddoli pa mor dyngedfennol yw’r penderfyniad hwn,” meddai wedyn.

“O ran fy ngweithred i, mae ymchwil a chyngor yn dangos fod modd fel arfer mynd am ryw dri diwrnod, tua 70 awr, heb ddŵr cyn bod niwed parhaol. Er mwyn gwneud y pwynt symbolaidd yn unig, dw i felly wedi gosod fy nghyfnod i heb ddŵr na bwyd yn 50 o oriau.”

I ddarllen mwy CLICIWCH YMA