Mwy o Newyddion
29 Awst 2013
Undeb yr Annibynwyr Cymraeg yn rhoi rhybudd am Syria
Mae un o arweinwyr Cristnogol Cymru yn galw ar bobl i gysylltu gyda’u Haelod Seneddol lleol ar frys gan ofyn iddo fe neu hi i bleidleisio yn erbyn ymyrraeth filwrol yn y gwrthdaro yn Syria pan fydd y Senedd yn cwrdd heddiw.
"Ni ddylai Prydain gymryd rhan mewn ymosodiad treisgar a fyddai’n achosi marwolaeth a dioddefaint pellach," meddai'r Parchg Ron Williams, Llywydd Undeb yr Annibynwyr Cymraeg.
Mae hefyd yn rhybuddio y gallai gweithredu milwrol gan bwerau’r gorllewin ansefydlogi'r Dwyrain Canol, gyda chanlyniadau dinistriol posibl
"Rhaid i lywodraeth Prydain ganolbwyntio ar ddwyn perswâd ar Syria trwy fesurau diplomyddol," meddai'r Parchedig Williams.
