Mwy o Newyddion
CFfI Cymru yn annog eu haelodau i gefnogi ffermwyr lleol
Mae CFfI Cymru wedi siarad am eu cefnogaeth o’r cymunedau ffermio ledled y DU sydd wedi effeithio gan y tywydd garw o'r wythnosau diwethaf.
Ymatebodd Jonathan Williams, Cadeirydd Pwyllgor Materion Gwledig CFfI Cymru, i'r cyhoeddiad Llywodraeth Cymru ac adroddiadau newyddion o'r wythnos hon.
Meddai: "Credwn fod y diwydiant amaethyddol, ac yn enwedig y sector da byw yn darparu'r asgwrn cefn economaidd i lwyddiant ein cymunedau gwledig.
"Felly teimlwn y dylai Llywodraeth Cymru ddilyn esiampl y llywodraethau yng Ngogledd Iwerddon a'r Alban a rhoi cefnogaeth economaidd i ffermwyr sydd wedi eu heffeithio gan y tywydd difrifol sydd bellach yn bygwth i lusgo'r sector da byw yn ôl i'r gors economaidd.
"Mae'r baich ariannol ar gyfer ffermwyr ar ôl gorfod cael gwared ar y nifer fawr o anifeiliaid a fu farw yn y tywydd garw yn dod ar ben y dasg torri calon o orfod casglu'r nifer fawr o anifeiliaid marw a’r colledion enfawr ar gynhyrchu.
"Er ein bod yn croesawu llacio'r rheolau sy'n caniatáu rhai ffermwyr mewn lleoliadau anhygyrch i gladdu anifeiliaid marw ar y fferm rydym yn teimlo bod hyn yn rhy ychydig yn rhy hwyr ac y dylai Llywodraeth Cymru wedi cymryd camau llawer cynharach. Dylai cynlluniau gael eu trefnu i ganiatáu ymatebion cyflymach yn wyneb y tywydd eithafol hwn."
Aeth y Pwyllgor Materion Gwledig ymhellach drwy gydnabod yr effaith dymor-hir, nid yn unig i ffermwyr, ond bydd defnyddwyr yn y pen draw yn wynebu anawsterau o ganlyniad i gynhyrchu llai ar yr adeg dyngedfennol hon o'r flwyddyn.
Fel sefydliad cymunedol sy'n cynnwys bron i 160 o glybiau ledled y wlad, mae CFfI Cymru yn tynnu sylw at y rôl hanfodol y dylai'r aelodau chwarae i helpu ei gilydd a'r gymuned leol.
Parhaodd Jonathan Williams: "Gall pobl cuddio emosiynau a straen sy'n eu harwain at ymdeimlad o unigrwydd ac mai nhw yw'r unig rai sy'n dioddef."
Felly, mae CFfI Cymru yn annog ei aelodau i gadw llygad ar eu hagosaf ac anwylaf, rhoi tecst neu alwad ffôn i'w cymydog a chynnig i helpu mewn unrhyw ffordd - hyd yn oed os mai dim ond i ddod â fflasg o de drosodd, fel bod problemau yn cael eu rhannu ac mae pobl yn teimlo bod rhywun yna i’w helpu. Mae rhagor o gymorth ac arweiniad ar gael gan bartner sefydliad CFfI Cymru, RABI 01865 724931.
