Mwy o Newyddion
Dros £3.5 miliwn i roi hwb i’r Gymraeg yn y gymuned
Mae’r iaith Gymraeg wedi derbyn hwb ar ddechrau'r blwyddyn newydd gyda thros £3.5 miliwn yn cael ei roi mewn grantiau er mwyn hybu’r iaith yn y gymuned.
Mae £85,310 hefyd wedi ei neilltuo i Papurau Bro, rhwydwaith o bapurau newydd cymunedol ledled Cymru, sy’n cael eu cynhyrchu gan wirfoddolwyr a’u cyhoeddi’n fisol.
Yn gyfan gwbwl, mae hyn yn gynnydd o £100,000 i’r grantiau ar gyfer flwyddyn yma.
Un o amcanion Strategaeth y Gymraeg, Iaith Fyw: Iaith Byw, yw cryfhau safle’r Gymraeg yn y gymuned. Bydd y cylch diweddaraf o gyllid yn cefnogi’r amcan hwn drwy dargedu sefydliadau sy’n rhoi cyfle i bobl ddefnyddio’r Gymraeg yn eu cymunedau.
Dywedodd Leighton Andrews, y Gweinidog sydd â chyfrifoldeb am y Gymraeg: “Rydyn ni am i fwy o bobl gael y cyfle i fwynhau defnyddio mwy o Gymraeg fel rhan o fywyd dydd i ddydd. Mae canlyniadau’r cyfrifiad diweddaraf wedi ein hatgoffa o bwysigrwydd sicrhau bod pawb o bob oedran yn gallu defnyddio’r iaith wrth gymdeithasu ym mhob cwr o Gymru.
“Dyna pam ein bod ni’n darparu dros £3.5 miliwn o gyllid grant i sefydliadau gwahanol sy’n hybu defnydd o’r Gymraeg yn eu cymunedau. Mae hwn yn gynnydd o tua £100,000 ar y llynedd, sy’n dangos ein hymrwymiad i sicrhau bod yr iaith yn parhau i ffynnu.”
Mae cyllid grant Llywodraeth Cymru wedi ei neilltuo i 36 o sefydliadau ledled Cymru, fel yr Eisteddfod Genedlaethol, y Mentrau Iaith a’r Urdd, a bydd yr arian yn cael ei ddefnyddio i gefnogi eu datblygiad a thargedu nifer cynyddol o bobl yn y gymuned.
Ychwanegodd y Gweinidog: “Drwy sefydliadau fel chymdeithasau megis y Mentrau ar Papurau Bro, sy’n gweithio ar lawr gwlad, gallwn ni sicrhau ein bod ni’n rhoi cyfle i bobl ddefnyddio’u Cymraeg ac yn caniatáu i’n cymunedau ffynnu.”
Fe fydd y £3.5 miliwn yn cael ei defnyddio i gefnogi:
Yr Urdd 852,184
Menter Môn 89,132
Menter Iaith Fflint 72,043
Menter Merthyr 58,400
Eisteddfod Genedlaethol 543,000
Menter Iaith Castell Nedd Port Talbot 77,415
Menter Iaith Maldwyn 72,591
Hunaniaeth 83,715
Menter Iaith Conwy 97,678
Mentrau Iaith Cymru 61,500
Merched y Wawr 84,205
Menter Iaith Maelor 36,540
Menter Bro Dinefwr 93,000
Menter iaith Rhondda Cynon Taf 107,768
Clybiau Ffermwyr Ifanc Cymru 89,719
Menter Brycheiniog 28,451
Partneriaeth Aman Tawe - Castell-nedd 38,000
Partneriaeth Aman Tawe - Dinefwr 38,000
Menter Iaith Casnewydd 47,250
Menter Bro Ogwr 59,435
Menter Caerdydd 84,591
Menter Iaith CERED 103,068
Menter Iaith Abertawe 102,145
Menter Iaith Caerffili 95,552
Menter Iaith Sir Ddinbych 81,583
Menter Iaith Sir Benfro 90,279
Menter Gorllewin Sir Gar 66,921
Cymdeithas Eisteddfodau Cymru 46,036
Duke of Edinburgh Award 20,300
Gwallgofiaid / Cellb 23,000
Menter Iaith Cwm Gwendraeth 87,791
RHAG 35,140
Sefydliad Cerddoriaeth Cymreig 12,165
Dyffryn Nantlle 20/20 3,000
Menter Iaith Blaenau Gwent 42,750
Plant yng Nghymru 3,000
Llun: Leighton Andrews
