Mwy o Newyddion

Arwerthiant Plant Mewn Angen 2012 ar BBC Radio Cymru

Mae diwrnod Plant Mewn Angen 2012 y BBC yma bron iawn ac mae manylion wedi dod i law am drefniadau’r diwrnod ar Radio Cymru, ddydd Gwener Tachwedd 16.

Dewi Pws fydd yr arwerthwr eleni ar gyfer Ocsiwn Plant Mewn Angen Radio Cymru, a bydd yn cyfrannu drwy'r dydd i’r gwahanol raglenni. Bydd yr Ocsiwn yn dechrau ar raglen Dafydd a Caryl yn y bore, wedyn bydd diweddariadau yn ystod rhaglenni Iola Wyn a Taro'r Post, a daw’r arwerthiant i ben yn ystod rhaglen Daniel Glyn (sydd yn lle Tudur Owen eleni) yn y prynhawn.

Bydd cyfle i wrandawyr roi cynigion drwy'r dydd i BBC Radio Cymru ar 03703 500 500 (codir prisiau daearyddol safonol am alwadau o ffonau sefydlog a ffonau symudol). Bydd y llinellau ffôn yn agor am 8.30 y bore ac yn cau am 4.45 y prynhawn. Dim ond galwadau ffôn i’r rhif uchod fydd yn cael eu derbyn ar gyfer yr Ocsiwn - ni fydd yn bosib cymryd rhan drwy e-bost na neges destun.

Dyma'r eitemau sydd yn yr Ocsiwn eleni:

1.         Pryd o fwyd gyda Stephen Jones a Dwayne Peel ym mwyty’r Sosban yn Llanelli

2.         Crys wedi ei lofnodi gan yr athletwr paralympaidd, Aled Sion Davies

3.         Esgidiau pêl droed wedi eu llofnodi gan Joe Allen, Lerpwl

4.         Esgidiau pêl droed wedi eu llofnodi gan Gareth Bale, Spurs

5.         Crys a phêl wedi eu llofnodi gan dîm pêl droed Cymru

6.         Diwrnod o wylio adar hefo Iolo Williams

7.         Gwers delyn breifat gan Claire Jones a CD wedi ei arwyddo

8.         Russell Jones yn treulio diwrnod yn eich gardd

9.         Cân wedi ei chyfansoddi gan Huw Chiswell

10.      Hamper o lyfrau a chryno ddisgiau’r Nadolig gan gwmni Sain, Gomer, y Lolfa a Gwasg Carreg Gwalch

11.      Tocynnau ar gyfer cyngherddau Only Mewn Aloud yn Llandudno a Chanolfan y Mileniwm, a chyfle i gyfarfod â’r côr

12.      Penwythnos yr Ŵyl Gymreig i deulu o 4 yn Disneyland Paris

13.      Cap pêl-fas Cymru a llun o Bryn Terfel wedi eu harwyddo ganddo

14.      Safle Carafán gyda thrydan yn Eisteddfod Genedlaethol Sir Ddinbych 2013

15.      4 tocyn i weld drama One Man Two Guvnors, un ai yn Llandudno neu yng Nghaerdydd, a chyfle i fynd i gefn y llwyfan i weld y set, a chyfarfod y cast ar ôl y perfformiad

16.      Penwythnos mewn tipi i 4 yng ngwersyll Tipis Dyffryn Cledan

17.      Siwmper hwdi Gethin Jones wedi ei arwyddo