Mwy o Newyddion

Dathlu Diwrnod T. Llew eleni gydag e-lyfr!

Heddiw, 11 Hydref,  yw Diwrnod T. Llew Jones, diwrnod cenedlaethol i ddathlu bywyd a gwaith T.  Llew Jones.

Bob blwyddyn, ar ddiwrnod ei ben blwydd,  dethlir ei gyfraniad enfawr i’n llenyddiaeth.

Eleni gellir dathlu gydag e-lyfr wrth i Wasg Gomer gyhoeddi Trysor y Môr-Ladron, un o ffefrynnau’r plant ar ffurf e-lyfr, y cyntaf o lyfrau T. Llew yn y ffurf hwn. 

Harri Morgan,  dyna chi fôr-leidr lliwgar sy’n llwyddo i ddenu a difyrru darllenwyr ifanc a gwneud hynny ers dros hanner can mlynedd.

Cyhoeddwyd y nofel Trysor y Môr-Ladron am y tro cyntaf yn 1960 gydag argraffiadiau lu ers hynny.

Pwy feddyliai y byddai’r byd cyhoeddi llyfrau wedi newid cymaint drwy’r blynyddoedd.

Gyda recordiau, tâpiau a chryno-ddisgiau cerddoriaeth yn perthyn i’r gorffennol, pwy a ŵyr beth fydd dyfodol y llyfr!

Ond mae stori sy’n cydio yn y dychymyg a threiddio i fyd plentyn yn ffrwyth llenor plant o’r radd orau, ar bapur neu ar sgrîn. 

Diolch T. Llew Jones!

Manylion Cyhoeddi

Trysor y Môr-Ladron [e-lyfr]

9781848515307

£4.99

Ar gael drwy Gwales.com