y tudalennau hyn
Mae cannoedd o dudalennau a safleoedd ar y we sy'n cynnig adnoddau am ddim i ddatblygwyr gwefannau. Mantais llwytho deunydd lawr o safle'r Faner Newydd yw bod y rhan fwyaf o'r cyfarwyddiadau yn Gymraeg, a chynnwys rhai o'r sgriptiau eisoes wedi cael eu cyfieithu i'r Gymraeg.

lefel gwybodaeth
Nid yw awduron y tudalennau hyn yn yn arbenigwyr ar ddatblygu gwefannau ac maen nhw'n dysgu trwy brofiad. Nid yw'r cyfarwyddiadau felly'n mynd i fod yn rhy gymhleth gan nad yw'r awduron yn deall llawer eu hunain! Os allwch chi gyfrannu unrhyw beth at y wefan, neu os oes gennych gwestiynau am y deunydd, cysylltwch â ni drwy glicio fan hyn. Bydd disgwyl eich bod yn deall rhywfaint am wefannau, a'ch bod yn gyfarwydd â html neu ddatblygu tudalennau gyda meddalwedd fel Dreamweaver neu MS Frontpage. Bydd datblygwyr gwefannau profiadol yn gwybod popeth sydd ar y tudalennau hyn.

beth sydd ar gael
Mae sgriptiau asp, deunydd Java a rhai sgriptiau php ar gael i'w llwytho lawr o'r tudalennau hyn gyda chyfarwyddiadau Cymraeg ar sut i'w defnyddio. Gallwch lwytho popeth sy'n cael ei ddefnyddio ar y safle hwn, gan gynnwys y Chwiliadur a'r Llyfr Ymwelwyr o fan hyn.