 |
Ionawr 2004
Kentucky AFC
Mae'r triawd o Borthmadog wedi bod yn gigio fel bastads ers misoedd bellach, ac ar fin chware gigs yn Llundain. Checiwch y rhestyr gigs oddi tano am y dyddiadau. Mae KAFC yn ogystal yn gweithio ar albwm fydd yn ymddangos ar label Fitamin Un yn y flwyddyn newydd. Mae'n bosib islwytho MP3au o'i gwefan: kentuckyafc.com.
Lo-Cut a Sleifar
Hefyd yn gweithio ar albwm o dan y teitl "Miwsig I'ch Traed a Miwsig I'ch Meddwl", mae Curig Huws a Steffan Cravos, dau gyn aelod o'r Tystion yn mynd mas i Stuttgart yn yr Almaen i weithio ar drac rap Almaeneg/Cymraeg. Fe fydd yr albwm mas yn 2004 ar label Fitamin Un.
MC Saizamundo
Mae'r Eminem gwledig Cymraeg wedi cwbwlhau ei albwm gyntaf, a bydd "Blaen Troedar" yn cael ei ryddhau ar Ionawr 22, 2004 ar label Recordiau Dockrad ac fe'i gynhyrchwyd gan Dyl Mei (Pep Le Pew.)
